Gold Price Today : గుడ్ న్యూస్.. బంగారం ధరలు కొంత దిగి వచ్చాయి.. కానీ కొనేటంత మాత్రం?

ఇన్వెస్టర్లు తమ పెట్టుబడులను బంగారం అలాగే వెండిపైన పెడుతున్నారు. దీనికి ప్రధాన కారణం ఈ రెండు కూడా సేఫ్ హెవెన్ పెట్టుబడులుగా ఉండటం. ఈక్విటీ మార్కెట్లలో నష్టాలు వస్తున్న కారణంగా ఇన్వెస్టర్లు తమ పెట్టుబడులను ఈ రెండు లోహాలలో పెట్టేందుకు ఎక్కువగా ఇష్టపడుతున్నారు. దీనికి తోడు అమెరికన్ డాలర్ విలువ పతనం అవడం కూడా దీనికి ఒక కారణంగా చెప్పవచ్చు. మరోవైపు సెంట్రల్ బ్యాంకులు కూడా విపరీతంగా బంగారం కొనుగోలు చేస్తున్నాయి. అందులో చైనా, బ్రెజిల్ ప్రధానంగా ఉన్నాయని చెప్పవచ్చు. బంగారం ధరలు భారీగా పెరుగుతున్న నేపథ్యంలో మార్కెట్లలో కూడా బంగారం ఆభరణాల ధరలు భారీగా పెరుగుతున్నాయి. సెక్యూర్డ్ అసెట్స్ గా భావించే బంగారం వైపు ఇన్వెస్టర్లు మరికొంత కాలం ఇంట్రెస్ట్ చూపించే అవకాశం ఉందని నిపుణులు పేర్కొంటున్నారు.

మరొక వైపు రానున్న రోజుల్లో బంగారం, వెండి ధరలు మరింతగా పెరిగే అవకాశాలున్నాయని అంచనాలు వినిపిస్తున్నాయి. పది గ్రాముల బంగారం ధర ఇప్పటికే లక్షన్నరకు చేరుకున్నాయి. వెండి ధరలు మూడు లక్షలు దాటేశాయి. ఈరోజు దేశంలో బంగారం ధరలు స్వల్పంగా తగ్గాయి. వెండి ధరల్లో మాత్రం పెరుగుదల కనిపించింది. కిలో వెండి ధరపై వంద రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,48,440 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,61,940 రూపాయలుగా కొనసాగుతుంది. కిలో వెండి ధర 3.87,000 రూపాయలుగా ట్రేడ్ అవుతుంది.