Gold Price Today : గుడ్ న్యూస్.. బంగారం కొనుగోలుకు ఇదే సరైన సమయం

2025 సంవత్సరం మాత్రం బంగారం ప్రియులకు బ్యాడ్ ఇయర్ అని మాత్రమే చెప్పాలి. ఎందుకంటే ఈ ఏడాది జనవరి నుంచి ప్రారంభమయిన బంగారం, వెండి ధరలు పెరుగుతూనే ఉన్నాయి. పది గ్రాముల బంగారం ధర లక్షన్నర రూపాయలకు చేరువలోకి వెళుతుందని అంచనాలు వినిపించినా అది జరగలేదు. ఇక కిలో వెండి ధర రెండు లక్షల రూపాయలు దాటేసి తిరిగి ధరలు బాగా పతనమయ్యాయి. అందుకే ఇప్పుడు కొనుగోలు చేయడం మంచిదని సూచిస్తున్నారు. రానున్న కాలంలో బంగారం, వెండి ధరలు మరింత పెరిగే అవకాశముందని హెచ్చరికలు వినిపిస్తున్నాయి. అందుకే ఏ మాత్రం ఆర్థిక స్థోమత ఉన్నా వెంటనే బంగారం, వెండి కొనుగోలు చేయడం మంచిదని సూచిస్తున్నారు.

పెళ్లిళ్లు, శుభకార్యాలు నడుస్తుండటంతో బంగారం, వెండి ధరలు కొంత తగ్గడంతో క్రమంగా కొనుగోళ్లు పెరుగుతున్నాయని వ్యాపారులు చెబుతున్నారు. పెట్టుబడి దారులు సయితం ముందుకు వచ్చి కొనుగోలు చేస్తున్నారంటున్నారు. ఈరోజు దేశంలో బంగారం ధరలు తగ్గాయి. వెండి ధరలు కూడా భారీగా తగ్గాయి. పది గ్రాముల బంగారం ధరపై 460 రూపాయలు తగ్గింది. కిలో వెండి ధరపై వెయ్యి రూపాయలు తగ్గింది. ఉదయం ఆరు గంటలకు నమోదయిన బంగారం, వెండి ధరలు హైదరాబాద్ బులియన్ మార్కెట్ లో ఇలా ఉన్నాయి. 22 క్యారెట్ల పది గ్రాముల బంగారం ధర 1,14,690 రూపాయలుగా ఉంది. 24 క్యారెట్ల పది గ్రాముల బంగారం ధర 1,25,120 రూపాయలకు చేరుకుంది. కిలో వెండి ధర 1,70,900 రూపాయలుగా ట్రేడ్ అవుతుంది.