Gold Price Today : బంగారం ఇంతలా తగ్గిందా.. ఇక కొనేయొచ్చు మరి

ఇరాన్ - ఇజ్రాయిల్ యుద్ధం ప్రారంభమయిన నాటి నుంచి బంగారం, వెండి ధరలు దాదాపు తగ్గుతోనో, స్థిరంగానో ఉంటున్నాయి తప్పించి పెరుగుదల కనిపించకపోవడం నిజంగా అదృష్టమేనంటున్నారు. జ్యుయలరీ మార్కెట్ కూడా కళకళలాడుతుంది. కస్టమర్లు ఇప్పుడిప్పుడే బంగారం కొనుగోలుకు వస్తున్నారు. అయితే ధరలు ఇంకా అంతగా అందుబాటులోకి రాకపోవడంతో కొందరు మీనమేషాలు లెక్కపెడుతున్నప్పటికీ పెళ్లిళ్లు, శుభకార్యాలు జరుగుతుండటంతో అవసరానికి సరిపడా ఆభరణాల కొనుగోలుకు వస్తున్నారని, దీనివల్ల అమ్మకాలు పెరిగాయని వ్యాపారులు చెబుతున్నారు.

ఇక పెట్టుబడి పెట్టే వారు మాత్రం ఒకింత వెనుకంజ వేస్తున్నారు. గతంలో బంగారం, వెండి కొనుగోలు చేసే వారి కంటే వాటిపై మదుపు చేసే వారి సంఖ్య ఎక్కువగా ఉంటుంది. ఈరోజు బంగారం ధరలు స్వల్పంగా తగ్గాయి. వెండి ధరల్లో స్వల్ప తగ్గుదల కనిపించింది. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,47,290 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,60,680 రూపాయలుగా కొనసాగుతుంది. కిలో వెండి ధర 2,89,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులుండవచ్చు.