Gold Prices Today : బంగారు కొనేవారికి బిగ్ న్యూస్... ఇప్పుడే కొనేయండి

బంగారాన్ని ఎక్కువగా భారతీయులే కొనుగోలు చేస్తారు. భారతీయ సంస్కృతి సంప్రదాయాల మేరకు శుభకార్యాలకు, పెళ్లిళ్లకు బంగారం, వెండి వస్తువులను కొనుగోలు చేయడం ఆనవాయితీగా వస్తుంది. ఇటీవల కాలంలో పుట్టిన రోజు బహుమతిగా కూడా బంగారు ఆభరణాలను బహుమతిగా ఇవ్వడం ప్రారంభించారు. అయితే ధరలు పెరిగిన తర్వాత ఆ సంప్రదాయానికి స్వస్తి పలికారు. మిగిలిన దేశాల్లో గోల్డ్ బాండ్స్ ను ఎక్కువగా కొనుగోలు చేస్తుంటారు. తమ ఒంటిపై ఆభరణాలు ఉంచుకోవడం కంటే పెట్టుబడిపైనే ఎక్కువ మంది విదేశాల్లో ప్రాధాన్యత ఇస్తుంటారు.

ఇక ధరలు పెరిగిన తర్వాత బంగారం, వెండి ధరలపై పెట్టుబడి పెట్టేవారు కూడా కొంత వెనుకంజ వేస్తున్నారు. ధరలు మరింత తగ్గుతాయని భావించి మదుపు చేయడానికి కొంత వెనకడుగు వేస్తున్నారు. ఈరోజు బంగారం ధరలు స్వల్పంగా తగ్గాయి. వెండి ధరల్లో కూడా తగ్గుదల కనిపించింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,37,340 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,49,830 రూపాయలుగా కొనసాగుతుంది. కిలో వెండి ధర 2,54,900 రూపాయలుగా ట్రేడ్ అవుతుంది.