Gold Prices Today : మళ్లీ షాకిస్తున్న బంగారం ధరలు.. ఎంత పెరిగాయో తెలిస్తే?

వెండి విషయంలోనూ అదే జరుగుతుంది. అయితే గతంలో బంగారం, వెండిపై పెట్టుబడి సురక్షితమని నమ్మేవారు. కానీ ప్రస్తుత పరిస్థితుల్లో ఆ నమ్మకం పూర్తిగా పోయింది. ధరలు ఒక్కసారిగా పెరగడం, అంతే స్థాయిలో తగ్గుతుండటంతో పెట్టుబడి పెట్టిన వారు ఆర్థిక నష్టాలను ఎదుర్కొనాల్సి వస్తుంది. గత కొన్నాళ్లుగా దేశంలో అదే జరిగింది. వెండిపైన, బంగారంపైన మదుపు చేసిన వారు చాలా మంది తీవ్రంగా నష్టపోవడమే కాకుండా అప్పులు తెచ్చి మరీ పెట్టుబడులు పెట్టడంతో కోలుకోలేని పరిస్థితికి చేరుకున్నారన్న వార్తలు కూడా వచ్చాయి. అందుకే బంగారాన్ని, వెండిని అవసరమైతే తప్ప కొనుగోలు చేయకూడదన్న షరతు అందరూ పాటిస్తేనే మేలంటున్నారు.

పెళ్లిళ్ల సీజన్ ప్రారంభమయింది. ఇక కొన్ని నెలల పాటు పెళ్లి బాజాలు మోగనున్నాయి. ముహూర్తాలు కూడా మంచివి ఉండటంతో బంగారం, వెండి వస్తువులకు విపరీతమైన డిమాండ్ ఉంటుంది. ఈరోజు దేశంలో బంగారం ధరలు భారీగా పెరిగాయి. వెండి ధరల్లో కూడా పెరుగుదల కనిపించింది. పది గ్రాముల బంగారం ధరపై 2,100 రూపాయలు పెరిగింది. కిలో వెండి ధరపై పది వేల రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,43,460 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,56,500 రూపాయలుగా కొనసాగుతుంది. కిలో వెండి ధర 2,70,100 రూపాయల వద్ద ట్రేడ్ అవుతుంది.