Gold Price Today : గుడ్ న్యూస్... గంతులేయడమే.. గోల్డ్ రేట్స్ పడిపోయాయ్

బంగారం, వెండి నిత్యావసర వస్తువులు కాదు. కేవలం అవసరార్థం కొనుగోలు చేసేవే. కానీ ఇప్పుడు అవసరమున్నా లేకపోయినా బంగారం, వెండి కొనుగోలుకు ఎక్కువ మంది మొగ్గు చూపుతున్నారు. అందుకు ప్రధాన కారణం బంగారం పై పెట్టుబడి సురక్షితమేనని భావించడమే. దీంతో పాటు సమాజంలో గౌరవం మనకు పుష్కలంగా లభించాలంటే పసిడి మన దగ్గర ఉండాలన్న భావన ఎక్కువ మందికి కలుగుతుండటంతో ఎంత ధరపోసైనా బంగారాన్ని, వెండిని కొనుగోలు చేసి సొంతం చేసుకుంటున్నారు. గత ఏడాదికి ఈ ఏడాదికి ధరల్లో చాలా మార్పు వచ్చింది. పది గ్రాముల బంగారం ధరపై ఐదు వేల నుంచి పది వేల రూపాయల వరకూ తేడా చూపించడంతో లాభం వస్తుందని గంతులేస్తూ మరీ కొనుగోలు చేస్తున్నారు.

బంగారం ధరలు ఎక్కువ సార్లు పెరుగుతుంటాయి. తక్కువ సార్లు మాత్రమే తగ్గుదల కనిపిస్తుంది. అయినా సరే బంగారాన్నికొనుగోలు చేయకుండా మాత్రం ఎవరూ ఆగడం లేదు. ఈరోజు దేశంలో బంగారం ధరలు స్వల్పంగా తగ్గాయి. వెండి ధరల్లో కూడా కొంత తగ్గుదల కనిపించింది. పది గ్రాముల బంగారం ధరపై పది రూపాయల తగ్గింది. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 74,340 రూపాయలకు చేరుకుంది. 24 క్యారెట్ల పదిగ్రాముల బంగారం ధర 81,100 రూపాయలుగా ఉంది. కిలో వెండి ధర 1,03,900 రూపాయలుగా నమోదయింది.