Gold Price Today : బ్యాడ్ లక్ మళ్లీ పెరిగిన బంగారం, వెండి ధరలు

బంగారం ధరలు సీజన్ లో పెరగడం మామూలే. కానీ ఈ ఏడాది మాత్రం ధరలు మరింతగా పెరిగాయి. గతంలో ఎన్నడూ లేని విధంగా ధరలు పెరుగుతుండటంతో లక్ష రూపాయలను పది గ్రాముల బంగారం టచ్ చేసింది. తర్వాత తగ్గి మళ్లీ పెరుగుతుండటంతో లక్ష రూపాయలకు చేరువలో ఉంది. ఇంత ధరలను పోసి కొనుగోలు చేయడం మాత్రం మధ్యతరగతి ప్రజలకు సాధ్యమయ్యే పరిస్థితి కాదు. అందుకే అమ్మకాలు గణనీయంగా తగ్గాయి. కొనుగోళ్లు మందగించడంతో తమ వ్యాపారులు దారుణంగా పడిపోయాయని, కనీసం దుకాణాల నిర్వహణ ఖర్చులు కూడా రావడం లేదని కార్పొరేట్ యజమానులు చెబుతున్నారు. ఎన్ని ఆఫర్లు ప్రకటించినా కొనుగోలు దారులు ఇటువైపు చూడటం లేదు.

బంగారం, వెండి ధరలకు ఎప్పుడూ డిమాండ్ అధికంగానే ఉంటుంది. గతంలో ఎన్నడూ లేని విధంగా ఆల్ టైం రికార్డులను అధిగమించింది. సీజన్ అనుకున్నప్పటికీ ఇంత భారీ స్థాయిలో గతంలో ఎన్నడూ ఇంతలా ధరలు పెరగలేదని వ్యాపారులు కూడా చెబుతున్నారు. ధరలు పెరుగుదలతో వ్యాపారులు కూడా కొంత డీలా పడ్డారు. నేడు దేశంలో బంగారం ధర స్వల్పంగా పెరిగింది. వెండి ధరల్లో కూడా కొద్దిగా పెరుగుదల కనిపించింది. పది గ్రాముల బంగారం ధరపై వంద రూపాయలు పెరిగింది. కిలో వెండి ధరపై వంద రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఉదయం ఆరు గంటలకు నమోదయిన ఇలా ఉన్నాయి. 22 క్యారెట్ల పది గ్రాముల బంగారం ధర 90,760 రూపాయలకు చేరుకుంది. 24 క్యారెట్ల పది గ్రాముల బంగారం ధర 99,010 రూపాయలుగా నమోదయింది. కిలో వెండి ధర 1,11,100 రూపాయలకు చేరుకుంది.