Gold Rates Today : ఫ్రైడే షాకిచ్చిన గోల్డ్ రేట్స్.. ఎంత పెరిగాయో తెలిస్తే?

మరోవైపు ఆఫర్లు కూడా భారీగానే ప్రకటిస్తున్నాయి. తరుగుపై కొంత డిస్కౌంట్ తో పాటు పాత బంగారం ఇస్తే మార్పిడిపై కొంత మొత్తాన్ని ఇస్తామంటూ వినియోగదారులను తమ దుకాణాలకు రప్పించుకునేందుకు తంటాలు పడుతున్నారు. పెళ్లిళ్ల సీజన్ ప్రారంభం అయి పది రోజులు గడిచినా మాఘమాసంలో పెళ్లిసందడిలో బంగారం కొనుగోళ్లు పెద్దగా కనిపించడం లేదు. గత సీజన్ తో పోలిస్తే కొనుగోళ్లు దాదాపు ముప్ఫయి శాతం తగ్గాయని వ్యాపారులు చెబుతున్నారు. ధరలు పెరుగుదలకు అనేక కారణాలున్నప్పటికీ తులం బంగారం కొనుగోలు చేయాలంటే సాధ్యం కాని పని అని భావిస్తున్నారు. బంగారం, వెండి ధరల్లో నిత్యం మార్పులు, చేర్పులు చోటు చేసుకుంటాయి.

బంగారం అంటే అదొక క్రేజ్. స్టేటస్ సింబల్ గా భావిస్తూ కొనుగోలు చేసేవారు సయితం ఇప్పుడు ధరలు చూసి బెదిరిపోతున్నారు. అవసరానికి మించి కొనుగోలు చేసే వారు సయితం వెనుకంజ వేస్తుండటంతో పాటు సీజన్ లోనూ వ్యాపారాలు పెద్దగా జరగడం లేదని వ్యాపారులు ఆందోళన చెందుతున్నారు. ఈరోజు దేశంలో బంగారం ధరలు స్వల్పంగా పెరిగాయి. వెండి ధరల్లో కూడా పెరుగుదల కనిపించింది. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 79,810 రూపాయలుగా ఉంది. 24 క్యారెట్ల పది గ్రాముల బంగారం ధర 87,060 రూపాయలకు చేరింది. కిలో వెండి ధర 1,06,900 రూపాయలుగా నమోదయింది.