Gold Price Today : బంగారం ధరలు భారీగా పెరిగాయ్.. కొనుగోళ్లు అదే స్థాయిలో తగ్గాయిగా

ఇక పెళ్లిళ్ల సీజన్ లో గతంలో మంగళసూత్రానికి ఎక్కువ బంగారాన్ని వినియోగించే వారు. కానీ ఇప్పుడు ధరలు ఎక్కువగా పెరగడంతో బంగారం తగ్గించి మంగళసూత్రాలను సన్నగానే చేయించుకునే పరిస్థితికి వచ్చారు. ఆర్థిక పరిస్థితి సహకరించకపోవడంతో పాటు బంగారం ఇప్పుడు కొనుగోలు చేస్తే తర్వాత తగ్గితే నష్టపోతామని భావించి అనేక మంది వెనకడుగు వేస్తున్నారు. ఈ సీజన్ లో రద్దీగా ఉండే జ్యుయలరీ దుకాణాలు బోసి పోయి కనిపిస్తున్నాయి. ఒకరు అరా వినియోగదారులు వచ్చినా వారు గ్రాము బంగారం ధర కనుక్కుని వెనుదిరిగి వెళ్లిపోతున్నారని వ్యాపారులు చెబుతున్నారు. గతంలో తులం బంగారం కొంత అందుబాటులో ఉండేదని, ఇప్పుడు గ్రాము కొనాలన్నా భారంగా మారిందని అంటున్నారు.

ఇలాగే బంగారం ధరలు పెరుగుతూ పోతే కొనుగోళ్లు పూర్తిగా పడిపోయే అవకాశాలున్నాయి. బంగారం పై ఎంత ఇష్టమున్నప్పటికీ అంత ధర పెట్టి కొనుగోలు చేయడం మాత్రం వేస్ట్ అన్న భావనలోకి వచ్చేశారు. ఈరోజు దేశంలో బంగారం ధరలు స్వల్పంగా పెరిగాయి. వెండి ధర తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. పది గ్రాముల బంగారం ధరపై పది రూపాయలు పెరగగా, కిలో వెండి ధరపై వంద రూపాయలు తగ్గింది. 22 క్యారెట్ల పది గ్రాముల బంగారం ధర 79,410 రూపాయలుకు చేరుకుంది. 24 క్యారెట్ల పది గ్రాముల బంగారం ధర 86,630 రూపాయలుగా నమోదయింది. కిలో వెండి ధర 1,07,900 రూపాయలుగా ఉంది.