Gold Price Today : వరసగా షాకిస్తున్న బంగారం ధరలు.. ఇక కొనడం కష్టమే?

ఇప్పటికే ధరలు అమాంతం పెరగడంతో బంగారం కొనుగోళ్లు దారుణంగా పడిపోయాయి. ఇటు అవసరం నిమిత్తం కొనుగోలు చేసేవారితో పాటు పెట్టుబడి కోసం చూసే వారు కూడా కొనుగోలుకు వెనుకంజ వేస్తున్నారు. ఇంత ధర పోసి కొనుగోలు చేయడం అవసరమా? అన్న ఆలోచన వారిలో బయలుదేరింది. దీంతో అమ్మకాలు దారుణంగా పడిపోయాయని వ్యాపారులు సయితం ఆందోళన చెందుతున్నారు. షోరూంల నిర్వహణ ఖర్చులు కూడా రావడం కష్టంగా మారిందని కార్పొరేట్ వ్యాపార సంస్థలు వాపోతున్నాయి. అందుకే ప్రకటనల ఖర్చు కూడా తగ్గించుకోవాలని నిర్ణయించుకున్నాయి.

వీలయినంత నిర్వహణ ఖర్చులు తగ్గించుకుంటే కొంతలో కొంత మేలని కార్పొరేట్ సంస్థలు భావిస్తున్నాయి. వినియోగదారులను ఆకట్టుకునేందుకు అనేక స్కీమ్ లు రాయితీలు ప్రకటించినా కొనుగోళ్లు మాత్రం పెరగడం లేదు. ఈరోజు దేశంలో బంగారం ధరలు స్వల్పంగా పెరిగాయి. వెండి ధరల్లో కూడా కొద్దిగా పెరుగదల కనిపించింది. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 71,460 రూపాయలుగా నమోదయింది. 24 క్యారెట్ల పది గ్రాముల బంగారం ధర 77,960 రూపాయలుగా కొనసాగుతుంది. కిలో వెండి ధర 1,00,900 రూపాయలుగా ట్రెండ్ అవుతుంది.