Gold Price Today : పసిడి ప్రియులకు భారీ ఊరట.. బంగారం ధరలు ఎంత తగ్గాయో తెలుసా?

ఈ ఏడాది మొదటి తేదీ నుంచి బంగారం ధరలు పెరుగుతూనే ఉన్నాయి. భారీగా పెరిగిన ధరలు పది గ్రాముల బంగారం ధర లక్ష రూపాయలకు చేరుకుని మళ్లీ దిగి వచ్చింది. నేడు కొంత ఊరట లభించినట్లేనని చెప్పాలి. యూఎస్ డాలర్ బలపడటంతో పాటు, ఆసియా మార్కెట్ లో బంగారానికి డిమాండ్ తగ్గడం, పండగలు, వివాహాలకు కూడా కొనుగోళ్లు మందగించడం, కేంద్ర ప్రభుత్వం విధించిన పన్నులు, అమెరికా అధ్యక్షుడు ట్రంప్ నిర్ణయాలతో అనేక కారణాలు కలగలిపి బంగారం ధరలు ఒక్కసారిగా పెరిగాయని మార్కెట్ నిపుణులు చెబుతున్నారు. ఇదే సమయంలో బంగారంపై పెట్టుబడి పెట్టే వారు కూడా ఇటీవల కాలంలో చాలా వరకూ తగ్గిపోయారని అంటున్నారు.

బంగారం అంటే మక్కువ చూపే మహిళలు కూడా ధరలను చూసి కొనుగోలు చేయడానికి ముందుకు రాకపోవడంతోనే డిమాండ్ తగ్గింది. అందువల్ల ధరలు ఇంకా దిగివస్తాయని చెబుతున్నారు. ఈరోజు దేశంలో బంగారం ధరలు భారీగా తగ్గాయి. వెండి ధరలు మాత్రం స్థిరంగా కొనసాగుతున్నాయి. పది గ్రాముల బంగారం ధరపై 510 రూపాయలు తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఉదయం ఆరు గంటలకు నమోదయిన ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 87,100 రూపాయలకు చేరుకుంది. 24 క్యారెట్ల పది గ్రాముల బంగారం ధర 95,020 రూపాయలుగా కొనసాగుతుంది. కిలో వెండి ధర 1,07,900 రూపాయలుగా నమోదయింది.