Gold Price Today : గోల్డ్ లవర్స్ కు గుడ్ న్యూస్.. తగ్గిన బంగారం ధరలు.. వెండి కూడా

అయితే లక్ష రూపాయలకు చేరుకోకపోయినా అన్ని పన్నులు, తరుగు, ఇతర ఖర్చులతో కలిపి ప్రస్తుతం లక్ష రూపాయలు ధర పలుకుతున్నట్లయింది. అందుకే బంగారాన్ని కొనుగోలు చేయాలంటే అందరూ ఆలోచిస్తున్నారు. ప్రధానంగా పెళ్లిళ్ల సీజన్ కూడా దాదాపు ఎండ్ కావడంతో ఇక బంగారం కొనుగోలు చేసే ఆ కొద్ది మంది కూడా ఉండరన్న అభిప్రాయం వ్యాపారుల్లో వ్యక్తమవుతుంది. జ్యుయలరీ దుకాణాలు ఎన్ని ఆఫర్లు ప్రకటించినప్పటికీ తులం బంగారం లేనిదే సరైన ఆభరణం రాకపోనుండటం కారణంగా బంగారానికి చాలా మంది దూరంగానే ఉంటున్నారు. వెండి ధరలు కూడా అంతే. ఇటీవల కాలంలో వెండి ధరలు భారీగా పెరగడంతో దానిని కొనుగోలు చేసే వారు కూడా కరువయ్యారు.

భారతీయ సంస్కృతిలో బంగారం కొనుగోలు చేసే వారి సంఖ్య ఎక్కువగా ఉంటుంది. అలాగే వెండిని కూడా సొంతం చేసుకోవడం శుభసూచకంగా భావించడం వల్ల విక్రయాలు జరుగుతుంటాయి. కానీ ధరలను చూసిన తర్వాత వీటి జోలికి రావాలంటే భయపడిపోతున్నారు. అయితే ఈరోజు దేశంలో బంగారం ధరలు స్వల్పంగా తగ్గాయి. వెండి ధరల్లో కూడా కొంత తగ్గుదల కనిపించింది. పది గ్రాముల బంగారం ధరపై పది రూపాయలు తగ్గింది. కిలో వెండి ధరపై వంద రూపాయలు తగ్గింది. మధ్యాహ్నానికి ధరల్లో మార్పులు కనిపించవచ్చు. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 89,790 రూపాయలుగా ఉంది. 24 క్యారెట్ల పది గ్రాముల బంగారం ధర 97,960 రూపాయలుగా నమోదయింది. కిలో వెండి ధర 117,900 ట్రేడ్ అవుతుంది.