Gold Rates Today : గుడ్ న్యూస్.. బంగారం ధరలు తగ్గాయ్.. అయినా లక్ష నుంచి దిగి రాలేదు

బంగారం ధరలు గత కొన్ని నెలలుగా పెరుగుతూనే ఉన్నాయి. ఏడాది ప్రారంభం నుంచి ధరలు తగ్గడం లేదు. ఈ ఏడాది జనవరి ఒకటో తేదీ నుంచి బంగారం పరుగులు పెడుతూనే ఉంది. ఇటీవల కాలంలో కొంత ధరలు దిగివస్తున్నప్పటికీ ఆశించిన స్థాయిలో మాత్రం ధరలు దిగి రావడం లేదు. దీంతో అమ్మకాలు గణనీయంగా పడిపోయాయని జ్యుయలరీ దుకాణాల యజమానులు చెబుతున్నారు. పెళ్లిళ్ల సీజన్ నడుస్తుంది. ఇంకా మరో మూడు నెలలు సీజన్ కొనసాగుతుంది. అయినా సరే బంగారం ధరలు అందుబాటులోకి రాకపోవడంతో వినియోగదారులు బంగారం వైపు చూసేందుకే భయపడిపోతున్నారు. అదే సమయంలో వెండి ధరలు కూడా భారీగా పెరుగుతున్నాయి.

ఇక పెట్టుబడి దారులు సయితం తమ వద్ద ఉన్న బంగారాన్ని అమ్మి సొమ్ము చేసుకునే ప్రయత్నం చేస్తున్నారు. ఎందుకంటే ధరలు మళ్లీ పతనమయితే బంగారంపై పెట్టిన పెట్టుబడులు తిరిగి రావని నమ్ముతున్నారు. ఈరోజు దేశంలో బంగారం ధరలు భారీగా తగ్గాయి. వెండి ధరల్లో కూడా తగ్గుదల కనిపించింది. పది గ్రాముల బంగారం ధరపై 430 రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారట్ల పది రూపాయల బంగారం ధర 92,340 రూపాయలుగా ఉంది. 24 క్యారెట్ల పది గ్రాముల బంగారం ధర 1,00,740 రూపాయలకు చేరుకుంది. కిలో వెండి ధర 1,25,900 రూపాయలుగా ట్రేడ్ అవుతుంది.