Gold Rates Toady : నగలు కొనాలంటే ఇదే శుభసమయం.. ధరలు దిగివచ్చాయిగా

సాధారణంగా ఆషాఢమాసంలో బంగారం, వెండి వస్తువులను ఎవరూ కొనుగోలు చేయరు. ఇప్పటికే మూడు సార్లు లక్ష రూపాయలను టచ్ చేసిన బంగారం ధరలు వినియోగదారులకు షాకిచ్చాయి. అలాగని కొనుగోలు చేయడం ఎవరి వల్ల కాని పరిస్థితుల్లోనూ బంగారం ధరలు పెరుగుతూనే పోయాయి. డిమాండ్ లేకపోయినా, సీజన్ కాకపోయినా ధరలు అమాంతం పెరగడంతో ఇక సీజన్ ప్రారంభమయిన తర్వాత ధరలు ఏ రేంజ్ కు వెళతాయోనన్న భయం అందరిలోనూ నెలకొంది. ఇప్పటికే కొనుగోలు చేయలేని స్థితికి చేరుకున్న బంగారం, వెండి ధరలు ఇంకెంత పెరుగుతాయన్న ఆందోళన సర్వత్రా నెలకొంది. ఇక జ్యుయలరీ దుకాణాలు తరుగు, జీఎస్టీ వంటి పన్నులతో ధరలు మరింత పెంచేస్తున్నారు.

బంగారం, వెండి వస్తువులకు ఎప్పుడూ డిమాండ్ ఉంటుంది. అయితే ఈ ఏడాది ప్రారంభం నుంచి ధరలు పెరుగుతూనే ఉండటంతో లక్ష దాటేసిన బంగారం శ్రావణ మాసం ప్రారంభం అయిన తర్వాత మాత్రం ధరలు కొద్దిగా తగ్గుముఖం పడుతున్నాయి. మళ్లీ లక్షకు బంగారం దిగువకు చేరింది. ఈరోజు దేశంలో బంగారం ధరలు భారీగా తగ్గాయి. వెండి ధరల్లో కూడా భారీగా తగ్గుదల కనిపించింది. పది గ్రాముల బంగారం ధరపై 540 రూపాయలు తగ్గింది. కిలో వెండి ధరపై 1,900 రూపాయలు తగ్గింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 91,600 రూపాయలకు చేరింది. 24 క్యారెట్ల పది గ్రాముల బంగారం ధర 99,930 రూపాయలుగా నమోదయింది. కిలో వెండి ధర 1,26,000 రూపాయలుగా ట్రేడ్ అవుతుంది.