Gold Price Today : ఇదేంది మామా.. బంగారం ధరలు తగ్గకపోయెనే

తగ్గుతుందని వెయిట్ చేస్తే ధరలు మరింత పెరిగే అవకాశమే తప్ప తగ్గే ఛాన్స్ లేదని చెబుతున్నారు. మరొక వైపు ఇప్పటికే పది గ్రాముల బంగారం ధర లక్ష రూపాయలకు చేరువలో ఉంది. వెండి ధర లక్షా పదివేలకు చేరింది. ఇంత ధరలు పెరగడం ఇటీవల కాలంలో ఎన్నడూ జరగలేదని, ఇంకా ధరలు పెరుగుతాయని అంటున్నారు. ఈ నెలతో పాటు జూన్ నెల వరకూ పెళ్లిళ్లు జరుగుతున్నాయి. మరోవైపు అక్షర తృతీయ కూడా ఉండటంతో ధరలు ఇంకా పెరుగుతాయి అని అంచనాలు వినపడుతున్నాయి. లక్ష రూపాయలు చేరుకోవడానికి ఇంకా రోజులు సమయం మాత్రమే ఉందని అంటున్నారు. అందుకే బంగారం మరింత భారంగా మారే అవకాశాలున్నాయని చెబుతున్నారు.

ధరలు పెరిగినంత మత్రాన బంగారానికి ఉన్న క్రేజ్ పడిపోతుందని మాత్రం అనుకోలేమని అంటున్నారు వ్యాపార నిపుణులు. ఎందుకంటే ఎంత ధరలు పెరిగినా తమకు కావాల్సిన, అవసరమైన సమయంలో సంస్కృతి సంప్రదాయాలను అనుసరించి విధిగా బంగారాన్ని వెండిని కొనుగోలు చేస్తుంటారని, అది భారతీయుల ప్రత్యేకత అని చెబుతున్నారు. ఈరోజు దేశంలో బంగారం ధరలు స్థిరంగా ఉన్నాయి. వెండి ధరలు కూడా నిలకడగా కొనసాగుతున్నాయి. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. ఉదయం ఆరు గంటలకు నమోదయిన ధరలు మాత్రమే ఇవి. మధ్యాహ్నానికి మారే ఛాన్స్ ఉంది. 22 క్యారెట్ల పది గ్రాముల బంగారం ధర 89,450 రూపాయలుగా ఉంది. 24 క్యారెట్ల పది గ్రాముల బంగారం ధర 97,580 రూపాయలుగా ట్రెండ్ అవుతుంది. కిలో వెండి ధర 1,10,000 రూపాయలకు చేరుకుంది.