Gold Price Today : బంగారం కొనాలనుకుంటున్నారా? అయితే వెయిట్ చేయండి

బంగారం ధరలు గతంలో ఎన్నడూ లేనంతగా పెరిగాయి. కొనలేని పరిస్థితుల్లో బంగారం, వెండి ధరలు చేరుకున్నాయి. 2025 జనవరి నుంచి ప్రారంభమయిన బంగారం, వెండి ధరల పెరుగుదల మొన్నటి వరకూ సాగింది. కానీ అమ్మకాలు నిలిచిపోవడంతో పాటు అంతర్జాతీయంగా జరుగుతున్న పరిణామాలు కూడా బంగారం ధరలు తగ్గటానికి కారణమని చెబుతున్నారు. ధరలు పతనమవుతాయని గత కొన్ని రోజుల నుంచి అంచనాలు వినిపిస్తున్నప్పటికీ తగ్గడం లేదు. అయితే క్రమంగా ధరలు దిగి వస్తాయని చెబుతున్నారు. గత పది రోజుల నుంచి బంగారం, వెండి ధరలు భారీగా తగ్గుతూ స్వల్పంగా పెరుగుతూ వస్తుండటంతో ఇంకా ధరలు తగ్గుతాయేమోనని వినియోగదారులు ఎదురు చూస్తున్నారు.

పెళ్లిళ్ల సీజన్ కూడా ప్రారంభం కావడంతో ఇక బంగారం, వెండి ధరలు పెరుగుతాయన్న అంచనాలు తప్పవుతున్నాయి. కొనుగోళ్లు కూడా విపరీతంగా పెరిగియాని జ్యుయలరీ దుకాణాల యజమానులు చెబుతున్నారు. నేడు దేశంలో బంగారం ధరలు భారీగా తగ్గాయి. వెండి ధర స్వల్పంగా తగ్గింది. పది గ్రాముల బంగారం ధరపై 1,310 రూపాయలు తగ్గింది. కిలో వెండి పై వంద రూపాయలు తగ్గింది. ఈరోజు ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,43,390 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,56,430 రూపాయలుగా కొనసాగుతుంది. కిలో వెండి ధర 2,64,900 రూపాయలకు చేరుకుంది. మధ్యాహ్నానికి ధరల్లో మార్పులుండవచ్చు.