Gold Rates Today : పసిడి ప్రియులకు షాకింగ్ న్యూస్.. భారీగా పెరిగన బంగారం ధరలు

బంగారం, వెండికి ఎప్పుడూ డిమాండ్ తగ్గదు. ఈ రెండు వస్తువులు ప్రతి ఇంట్లో ఒక వస్తువుగా మారిపోయాయి. ఆభరణాలను గానే చూడకుండా మదుపు చేసేందుకు కూడా బంగారం కొనుగోలు చేయడం అలవాటుగా మార్చుకోవడంతో డిమాండ్ ఎప్పుడూ వీటికి తగ్గదు. అవసరమైనప్పుడు సులువుగా విక్రయించుకునే వస్తువు కావడం, ఎలాంటి పత్రాలు లేకుండా అమ్మకాలు జరుపుకోవచ్చన్న నమ్మకంతో ఎక్కువ మంది బంగారం, వెండి కొనుగోళ్లకు మొగ్గు చూపుతున్నారు. అందుకే అన్ సీజన్ లోనూ ధరలు పెరుగుతాయి. ఇక సీజన్ వస్తుందంటే ధరలను ఆపడం ఎవరి తరమూ కాదన్నది అందరికీ తెలిసిందే.

కానీ బంగారం ధరలు ఎంత పెరిగినప్పటికీ కొనుగోళ్లు మాత్రం ఆగడం లేదు. వాటిని కొనుగోలు చేయడం మామూలయింది. ధరలను చూసి కాసేపు బాధపడటం, తర్వాత కొనుగోలు చేయడం హాబీగా మారింది. ఈరోజు బంగారం ధరలు భారీగా పెరిగాయి. వెండి ధరలు కూడా అత్యధికంగా పెరిగాయి. పది గ్రాముల బంగారం ధరపై నాలుగు వందల అరవై రూపాయలు పెరిగింది. కిలో వెండి ధరపై గత రెండు రోజుల్లో రెండు వందలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 71,410 రూపాయలుగా ఉంది. 24 క్యారెట్ల పది గ్రాముల బంగారం ధర 77,900 రూపాయలుగా కొనసాగుతుంది. కిలో వెండి ధరల 1,02,800 రూపాయలుకు చేరుకుంది.