Gold Prices Today : పసిడి ప్రియులకు గుడ్ న్యూస్.. భారీగా పతనమయిన బంగారం ధరలు

అంతర్జాతీయంగా అనిశ్చితి నెలకొన్న నేపథ్యంలో బంగారం ధరలు భారీగా పడిపోయాయి. కొద్దిరోజులుగా తగ్గుతూ వస్తున్న బంగారం ధరలు గురువారం భారీ తగ్గుదల నమోదు చేశాయి. మరోవైపు వెండి ధరల్లో కూడా తగ్గుదల కనిపిస్తోంది. నిన్న సాయంత్రం 5:30 గంటల సమయంలో హైదారాబాద్ బులియన్ మార్కెట్‌లో 24 క్యారెట్ల పది గ్రాముల బంగారం ధర రూ.1,50,280 కు చేరుకుంది. నిన్నటి ధరతో పోల్చుకుంటే దాదాపు రూ.7140 మేర తగ్గుదల నమోదు చేసింది. ఇక, 22 క్యారెట్ల 10 గ్రాముల బంగారం ధర రూ.1,37,750 దగ్గర ఉంది.. నిన్నటి ధరతో పోల్చుకుంటే రూ.6550 మేర తగ్గింది. మరోవైపు వెండి ధరల్లో కూడా తగ్గుదల కొనసాగుతోంది. దేశ రాజధాని ఢిల్లీలో కిలో వెండి ధర ప్రస్తుతం రూ.2.60 లక్షలుగా ఉంది.

ఇరాన్ ఇజ్రాయిల్ మధ్య యుద్ధం కొనసాగుతున్న తరుణంలో ధరలు తగ్గుతుండటంతో ఇంకా ధరలు తగ్గుతాయేమోనని కొనుగోలు దారులు చాలా మంది వేచి చూస్తున్నారు. ఈరోజు కూడా బంగారం ధరలు స్వల్పంగా తగ్గాయి. పది గ్రాముల బంగారం ధరపై పది రూపాయలు తగ్గింది. వెండి ధరలు కూడా స్వల్పంగా తగ్గింది. కిలో వెండి ధరపై వంద రూపాయలు తగ్గింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,37,740 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,50,270 రూపాయలుగా నమోదయింది. కిలో వెండి ధర 2,64,900 రూపాయలుగా ట్రేడ్ అవుతుంది.