Gold Price Today : దడ పుట్టిస్తున్న పసిడి..ఇంతలా పెరిగి షాకిచ్చిందేంటి?

పెళ్లిళ్ల సీజన్ అయితే కొనుగోళ్లు ఊపందుకుంటాయని వ్యాపారులు వేసిన అంచనాలు మాత్రం చేరుకోవడం లేదు. ఎందుకంటే ఈస్థాయిలో బంగారాన్ని కొనుగోలు చేయడం అనవసరమని భావించే పరిస్థితికి వచ్చింది. పెళ్లిళ్లు, శుభకార్యాలకు కూడా తమకు కావల్సినంత మేరకు మాత్రమే కొనుగోలు చేస్తున్నారు. మహిళలు ముఖ్యంగా బంగారం, వెండి వస్తువుల కొనుగోలుకు ఎప్పుడూ సిద్ధంగా ఉంటారు. కానీ గత నాలుగైదు నెలల నుంచి మహిళ కస్టమర్లు జ్యుయలరీ దుకాణాలకు రావడం లేదని, నగల డిజైన్లు చూసి కూడా టెంప్ట్ కావడం లేదని వ్యాపారులు చెబుతున్నారు. గ్రాము బంగారం కొనుగోలు చేయడం కూడా నేటి ధరలకు గగగనంగా మారిందని వినియోగదారులు అంటున్నారు.

బంగారం అంటే సురక్షితమైన పెట్టుబడిగా భావించి కొందరు దీనిపై ఇన్వెస్ట్ చేయాలనుకున్నా ఇలా పెరిగిన ధరలు మళ్లీ భారీగా పతనమవుతాయేమోనన్న భయంతో కొనుగోలుకు వెనకడుగు వేస్తున్నారు. ఈరోజు దేశంలో బంగారం ధరలు స్వల్పంగా పెరిగాయి. వెండి ధరలు కూడా అదే స్థాయిలో పెరుగుదల కనిపించింది. హైదరాబాద్ బులియన్ మార్కెట్ లో ఉదయం ఆరు గంటలకు బంగారం, వెండి ధరలు ఇలా నమోదయ్యాయి. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు పెరిగింది. 22 క్యారెట్ల పది గ్రాముల బంగారం ధర 83,110 రూపాయలుకు చేరుకుంది. 24 క్యారెట్ల పది గ్రాముల బంగారం ధర 90,670 రూపాయలుగా నమోదయింద. కిలో వెండి ధర 1,15,200 రూపాయలుగా ఉంది.