Gold Rates today : పసిడి ధరలు భారీగా పడిపోనున్నాయా? నిపుణులేమంటున్నారు?

అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం, ట్రంప్ విధించిన సుంకాల మోత, అమెరికా షట్ డౌన్ వంటి కారణాలు బంగారం, వెండి ధరలపై ప్రభావం చూపుతున్నాయి. అయితే ప్రస్తుతం పెళ్లిళ్ల సీజన్ తో పాటు శుభకార్యాలు కూడా నడుస్తుండటంతో బంగారం, వెండి ధరలు ఆశించిన రీతిలో తగ్గవని చెబుతున్నారు. సీజన్ అయినప్పటికీ బంగారం అమ్మకాలు పెద్దగా జరగడం లేదు. కేవలం కొందరికే బంగారం సొంతమయ్యేలా కనిపిస్తుంది. ముఖ్యంగా మధ్యతరగతి, ఉద్యోగవర్గాల వారు మాత్రం బంగారం ధరలను చూసి కొనుగోలుకు దూరంగా ఉంటున్నారు. దీంతో కొనుగోళ్లు చాలా వరకూ తగ్గిపోయాయని అంటున్నారు.

అలాగే బంగారం, వెండి ధరలు తగ్గే అవకాశం లేదన్నది మార్కెట్ నిపుణుల అంచనాగా వినిపిస్తుంది. ఒక్కసారి పెరిగిన బంగారం ధరలు భారీగా పతనమయిన ఘటనలు ఎప్పుడైనా చూశారా? అని ప్రశ్నిస్తున్నారు. ఈ రోజు దేశంలో బంగారం ధరలు స్వల్పంగా తగ్గాయి. వెండిధరల్లో కూడా కొద్దిగా తగ్గుదల కనిపించింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,14,640 రూపాయలుగా ఉంది. 24 క్యారెట్ల పది గ్రాముల బంగారం ధర 1,14,640 రూపాయలుగా కొనసాగుతుంది. కిలో వెండి ధర 1,89,900 రూపాయలుగా ట్రేడ్ అవుతుంది. మధ్యాహ్నానికి బంగారం, వెండి ధరల్లో మరింత మార్పులు కనిపించవచ్చు.