Bigg Boss 9: ఎట్టకేలకు పదోవారంలో తనూజ కలనిజమయిందిగా?

అయితే తనూజ కెప్టెన్ కాగానే భరణి తనకు తనూజపై ఉన్న ఎఫెక్షన్ ను ఆపుకోలేకపోయాడు. తనూజ కెప్టెన్సీ గెలిచిందని తెలిసిన వెంటనే ఆమెను ఎత్తుకుని మరీ తన ఆనందం ప్రకటించాడు. నాన్న అంటూ భరణని ఆప్యాయంగా పలకరించే తనూజకు, కూతురుగా తనూజను చూసే భరణికి మధ్య బాండింగ్ ఏ మాత్రం చెక్కు చెదరలేదని ఈ ఘటన నిరూపించింది. తనూజ కెప్టెన్సీ గెలవగానే భరణి ఆనందంతో గంతులేశాడు. అదే ఆనందంలో పరుగెత్తుకుంటు వెళ్లి తనూజని ఎత్తుకుని ఆమె విజయాన్ని సెలబ్రేట్ చేసుకున్నాడు. తనూజ ఫొటోను కెప్టెన్సీ గ్యాలరీలోనూ ఉంచిన భరణి తన ఆనందాన్ని ఆమెతో పంచుకున్నాడు. ఎన్ని సార్లు పోరాడి చివరకు సాధించుకున్నావంటూ ప్రశంసించాడు.

అయితే తనూజ కెప్టెన్ కాగానే భరణి ఉత్సాహాన్ని చూసిన దివ్యకు మాత్రం ఆగ్రహం తెప్పించినట్లుంది. భరణితో వాగ్వాదానికి దిగింది. తాను కెప్టెన్ అయినప్పుడు తనను ఎందుకు ఎత్తుకోలేదని భరణిని దివ్య సూటిగా ప్రశ్నించింది. తనకు చేయి బాగా లేదని, నిన్ను ఎత్తుకునే శక్తి నాకు లేదని నవ్వుతూనే భరణి సమాధానమిచ్చాడు. అయితే తన దగ్గరకు వచ్చే సరికి శక్తి సరిపోదా? అవతల వాళ్ల విషయంలో శక్తి వస్తుందా? అంటూ సెటైర్ వేసింది. కెప్టెన్సీ అయిన వెంటనే నువ్వు బిజీగా ఉన్నావని, అందుకే నేను ఎత్తుకోలేదని భరణి సమాధానం చెప్పబోయాడు. అయితే నేను అంత బరువుగా ఉన్నానా? లేదంటే మీకు సంతోషంగా లేదా? అని కూర్చున్న చోట నుంచి విసవిసా దివ్య లేచిపోయింది. దీంతో మరోసారి భరణి, దివ్యల మధ్య వార్ మొదలయినట్లు కనపడుతుంది.