Bigg Boss 9 : గొడవలు సర్దుకుంటాయనుకుంటే.. మరింత ముదురుతున్నాయే

తాజాగా విడుదల చేసిన ప్రోమో ప్రకారం నాన్న, కూతురి మధ్య కూడా అనుకోని మాటలు వస్తున్నాయి. భరణి, తనూజల మధ్య వాగ్వాదం జరిగినట్లు కనిపిస్తుంది. నిన్న ఇమ్మాన్యుయేల్, డిమోన్ ఆడియన్స్​తో ఇంట్రాక్ట్ కాగా.. ఈరోజు మరిన్ని గేమ్స్ పెట్టారు బిగ్​బాస్. మిగిలినవాళ్లకి కూడా ఆడియన్స్​తో ఇంట్రాక్ట్ అయి.. ఓట్ అప్పీల్ చేసుకునే అవకాశం ఉంది. నిన్న ఇమ్మూకి ఆ అవకాశం దక్కింది. అంతేకాకుండా.. నామినేషన్స్​ నుంచి తప్పించుకునేందుకు టాస్క్​లు పెట్టాడు బిగ్​బాస్. నామినేషన్స్ తప్పించుకుని.. ఫైనలిస్ట్​లు అయ్యేందుకు, లీడర్ బోర్డ్​లో పాయింట్స్ సంపాదించుకునేందుకు ఇస్తోన్న మూడో యుద్ధం పట్టుకో.. పట్టుకో అంటూ చెప్పాడు. ఈ టాస్క్​లో భాగంగా గేమ్​ సంచాలకులుగా ఇద్దరిని నియమించారు. కళ్యాణ్, సంజన సంచాలకులుగా చేస్తున్నారు.

మిగిలిన వాళ్లంతా లూజ్ ప్యాంట్స్ వేసుకుని లైన్​ ముందు నిల్చొన్నారు. సంచాలకులు స్టూల్ మీద నిల్చొని బాల్స్ వేయాల్సి వస్తుంది. వాటిని పోటీదారులు ప్యాంట్​తో పట్టుకోవాలి. అలా ఎవరు ఎక్కువ పట్టుకుంటే వారు గెలిచినట్లు బిగ్​బాస్ చెప్పాడు. సంజనా, కళ్యాణ్ బాల్స్ వేశారు. ఈ క్రమంలో ఒకరినొకరు తోసుకోకూడదని చెప్పినట్లు ప్రోమో ప్రకారం తెలుస్తుంది. కానీ తనూజ, ఇమ్మూకి అడ్డుపడినట్లు కనిపిస్తుంది. ఆ కోపంలోనే ఇమ్మూ భరణి వైపు వెళ్లగా.. తోసుకోకూడదని చెప్పారుగా అంటారు. అయితే ఇక్కడ ఎత్తు వల్ల భరణి సుమన్ శెట్టి వైపు వస్తోన్న బాల్స్​ కూడా పట్టేసుకున్నాడు. ప్రోమో ప్రకారం కళ్యాణ్ తనూజకు ఎక్కువ బాల్స్ వేసినట్లు కనిపిస్తుంది. ఇలా ఈ రోజు ఎపిసోడ్ లో కూడా కంటెస్టెంట్ల మధ్య బిగ్ వార్ జరుగుతున్నట్లే కనిపిస్తుంది.