Bigg Boss 9 : రాము రాధోడ్.. నువ్వే గెలిచావు... నువ్వే నిజమైన ఛాంపియన్

అందుకే రాము ది గ్రేట్ అనాలి. రాము రాధోడ్ చెప్పిన తీరు కూడా కళ్ల వెంట నీరు తెప్పించింది. తమ చిన్ననాడు కూలీపనులకు వెళ్లేందుకు తన తల్లిదండ్రులు నెలల తరబడి వెళ్లేవారని, తాను ఎదిగి వచ్చిన తర్వాత వారిని కాపాడుకోవాల్సిన తాను ఇక్కడ ఉండటం మంచిది కాదని భావించానని చెప్పాడు. అంతేకాదు..వారికి తన అవసరం ఎంతో ఉందని చెప్పడం కూడా తల్లిదండ్రులపై రాము రాథోడ్ కు ఉన్న ప్రేమానురాగాలు చెప్పకనే తెలుస్తుంది. ఈ వారం హౌస్ లో ఉంటే కుటుంబ సభ్యులు ఎవరో ఒకరు వచ్చి పలకరిస్తారు. వచ్చే వారం ఫ్యామిలీ వీక్ ఉన్నప్పటికీ రాము రాధోడ్ బయటకు వెళ్లిపోవడాన్ని మాత్రం కేవలం అతనికి కుటంబం పట్ల ఉన్న బలహీనతగానే చూడాలి.

సెల్ఫ్ ఎలిమినేషన్ చేసుకోవడం సామాన్య విషయమేమీ కాదు. గుండె నిబ్బరం గురించి మాట్లడే వారికి ఇప్పుడు అందుకు కావాల్సింది గుండె ధైర్యం కాదు.. గుండె నిండా ప్రేమ అని రాము రాథోడ్ నిరూపించాడు. నిజానికి రాము రాథోడ్ బలహీనమైన కంటెస్టెంట్ కాదు. అతనికంటే బలహీనమైన వారు ఎందరో ఉన్నారు. కానీ రాము రాథోడ్ కు హోస్ట్ నాగార్జున ఎన్నిసార్లు తరచి తరచి వెళ్లిపోతావా? అని ప్రశ్నించినా తాను వెళ్లిపోతానని మాత్రమే చెప్పాడు కానీ, ఎక్కడా మరో ఆలోచన కూడా చేయకపోవడం రాము రాథోడ్ కు కుటుంబంపై... అదీ తల్లి, తండ్రి, తన పెంపుడు జంతువులు, తన పెద్ద కుటుంబంపై ఉన్న అపారమైన ప్రేమ అని చెప్పక తప్పదు. రాము రాధోడ్ నువ్వు గెలిచావు. ప్రేక్షకుల గుండెల్ని.. నువ్వే బిగ్ బాస్ నిజమైన ఛాంపియన్ వి. ఇది నిజం.