Bigg Boss 9 : దివ్య కుట్రలను వీడియోలతో బయట పెట్టిన నాగార్జున

దివ్య ఎక్కడికక్కడ తనూజను కెప్టెన్సీ పోటీ నుంచి తప్పించేందుకు ప్రయత్నించింది. ముందుగా సీక్రెట్ టాస్క్ లో విజయం సాధించి తన టీంలోనే ఉన్న కల్యాణ్ ను దివ్య తప్పించింది. భరణిని తప్పించకుండా కల్యాణ్ ను తప్పించిన వైనాన్ని కూడా ప్రశ్నించారు. అలాగే డీమాన్ పవన్ వద్దకు వెళ్లి ఎవరికి సపోర్ట్ చేస్తావని దివ్య అడిగింది. తాను రీతూకే సపోర్ట్ చేస్తానని చెప్పడంతో అయితే రీతూ ఉంటే ఓకే.. కానీ ఇమ్మాన్యుయేల్ తో మరొకరు పోటీ పడితే వారిని పోటీ నుంచి తప్పించాలని కోరింది. అంటే నేరుగానే తనూజను తప్పించాలని దివ్య కోరినట్లు వీడియాలో స్పష్టంగా కనిపించింది. ఈ వీడియోను నాగార్జున బయట పెట్టారు.

అలాగే గౌరవ్ వద్దకు వెళ్లి కూడా తనూజ ఇమ్మాన్యుయేల్ కు సపోర్ట్ చేయాలని, తనూజను పోటీ నుంచి తప్పించేయాలని కోరిన వీడియోను కూడా నాగార్జున బయట పెట్టారు. ఈ వీడియోలను చెబుతూ దీనివల్ల దివ్య గ్రాఫ్ పడిపోయిందని చెప్పారు. పోటీలోనూ కల్యాణ్ కు తనూజను పోటీ నుంచి తప్పించనని చెప్పి తర్వాత తొలగించడాన్ని కూడా నాగార్జున ప్రశ్నించారు. అందుకే దివ్యకు నాగార్జున గట్టిగా క్లాస్ పీకారు. నువ్వు గెలవాలనుకుంటే గెలిచేలా ఆడు. అలాగే నువ్వు గెలిపించాలనుకున్నోళ్లను కూడా గెలిపించవచ్చు. కానీ మరొకరిని పోటీ నుంచి తప్పించాలని కుట్రలు చేయడం మాత్రం ప్రేక్షకులు కూడా అంగీకరించరని చెప్పడంతో దివ్య కూడా తాను చేసిన తప్పును చివరకు ఒప్పుకోక తప్పింది కాదు. మరొకవైపు హౌస్ లో ఉన్నవారు ఐదుగురు తనూజ టాప్ లో ఉన్నారని చెబితే, మరొక ఐదుగురు ఇమ్మాన్యుయేల్ టాప్ లో ఉన్నారని చెప్పడం విశేషం.