భారత్ భిన్నంగా ఆడుతోంది.. పాక్ అది గుర్తుపెట్టుకోవాలి: రోహిత్ శర్మ

గతేడాది టీ20 ప్రపంచ కప్ లో భారత్ పాకిస్థాన్ చేతిలో ఘోరమైన ఓటమిని చవి చూసిన సంగతి తెలిసిందే..! ఈ ఏడాది భారత్ రెండు మ్యాచ్ లు పాకిస్థాన్ తో తలపడబోతోంది. ఒకటి ఆసియా కప్ లో కాగా.. మరొకటి టీ20 ప్రపంచ కప్. ఆగస్టు 28న హై-వోల్టేజ్ ఇండియా వర్సెస్ పాకిస్థాన్ పోటీతో ఆలియా కప్ టోర్నమెంట్ ప్రారంభం అవ్వబోతోంది. రోహిత్ శర్మ నాయకత్వంలోని భారత్ రికార్డు స్థాయిలో ఎనిమిదోసారి ఆసియా కప్ టైటిల్‌ను గెలవాలనే ఉత్సాహంతో ముందుకు వెళుతోంది. గత ఏడాది దుబాయ్‌లో టీ20 ప్రపంచ కప్ లో 10 వికెట్ల తేడాతో పరాజయం తర్వాత టీమ్ ఇండియా తొలిసారిగా తమ చిరకాల ప్రత్యర్థితో తలపడనుంది.