YSRCP : బాలినేనికి ధీటైన్ అభ్యర్థి వైసీపీకి దొరికేశాడట

వైసీపీ అధినేత జగన్ వచ్చే ఎన్నికలకు సిద్ధమవుతున్నారు. ఒంగోలు అసెంబ్లీ నియోజకవర్గం నుంచి మాగుంట రాఘవరెడ్డిని పోటీ చేయించాలని సిద్ధమవుతున్నారు. మాజీ మంత్రి బాలినేని శ్రినివాసులు రెడ్డి పార్టీకి రాజీనామా చేసి జనసేనలో చేరడంతో ఆయన స్థానాన్ని భర్తీ చేసేందుకు మాగుంట రాఘవరెడ్డిని లైన్ లో పెట్టారని సమాచారం. ఒంగోలు నియోజకవర్గం నుంచి మాజీ మంత్రి బాలినేని శ్రీనివాసులురెడ్డి గత కొన్ని ఎన్నికల నుంచి ఆయనే అభ్యర్థిగా పోటీ చేస్తూ వస్తున్నారు. కాంగ్రెస్, వైసీపీలో కూడా ఒంగోలు టిక్కెట్ బాలినేని శ్రీనివాసులు రెడ్డిదే. వైఎస్ రాజశేఖర్ రెడ్డి బంధుత్వమే ఇందుకు ప్రధాన కారణం. అయితే మొన్నటి ఎన్నికల్లో ఓటమి తర్వాత బాలినేని పార్టీని వదిలిపెట్టి వెళ్లిపోయారు.