Anil Kumar Yadav: మాజీ మంత్రి అనిల్ కుమార్ యాదవ్ కు షాకిచ్చిన సొంత బాబాయి

Anil Kumar Yadav:వైసీపీ నేత, మాజీ మంత్రి అనిల్ కుమార్ యాదవ్ కు ఊహించని షాకులు తగులుతున్నాయి. సొంత బాబాయ్ వైసీపీని వీడారు. బాబాయి రూప్‌కుమార్‌తో పాటు నలుగురు కార్పొరేటర్లు, మైనార్టీ నేతలు వైసీపీకి రాజీనామా చేశారు. ఇటీవల జరిగిన పరిణామాలు బాధించాయని రూప్‌కుమార్‌ చెప్పారు. వైఎస్సార్‌సీపీ ఆవిర్భావం నుంచి సేవ చేశానని, పార్టీ కోసం కష్టపడ్డామన్నారు. తప్పనిసరి పరిస్థితుల్లో రాజీనామా చేస్తున్నామని, తనను ఆదరించిన నెల్లూరు నగర ప్రజలు, నాయకులకు కృతజ్ఞతలు తెలిపారు. భవిష్యత్‌ కార్యాచరణపై అనుచరులతో చర్చించి నిర్ణయం తీసుకుంటానని తెలిపారు. పార్టీలో సముచితమైన స్థానం ఇచ్చారని.. కానీ ఏడాదిన్నరగా జరుగుతున్న పరిణామాలు మాత్రం తమను బాధించాయన్నారు. అందుకే పార్టీని వీడాల్సి వస్తుందన్నారు రూప్‌కుమార్.