Ys Jagan : వైసీపీ ఇక అధికారంలోకి వచ్చినట్లేనా?

వైసీపీ అధినేత జగన్ లో రెండేళ్ల తర్వాత ధీమా పెరిగింది. ఈ సారి ఎన్నికల్లో విజయం తనదేనని ఆయన గట్టిగా నమ్ముతున్నారు. ఎవరేమనుకున్నా, ఎన్ని ప్రయత్నాలు చేసినా ఖచ్చితంగా 2029 ఎన్నికల్లో వైసీపీ అధికారంలోకి వస్తుందని ఆయన గట్టిగా నమ్ముతున్నారు. జగన్ లో గత కొద్ది రోజుల నుంచి కనపడుతున్న మార్పుతో పాటు విశ్వాసం కూడా స్పష్టంగా కనిపిస్తుంది. అందుకే ఆయన పదే పదే అందరీకి హెచ్చరికలు జారీ చేస్తున్నారు. పోలీసు అధికారులకు వార్నింగ్ ఇవ్వడమంటే ఒకరకంగా పార్టీ క్యాడర్ లో ధైర్యం నింపేదుకు అనుకోవచ్చు. కానీ మెడికల్ కళాశాలలను ప్రయివేటుగా తీసుకున్న వారిని కూడా వదలిపెట్టనని, జైలుకు పంపుతానని చెబుతుండటం ఇప్పుడు పార్టీలోనే కాకుండా రాజకీయంగా కూడా చర్చనీయాంశమైంది.