Ys jagan : నేడు నర్సీపట్నానికి వైఎస్ జగన్

జగన్ రోడ్ షోలకు పోలీసులు అనుమతించలేదు. తొలుత వైఎస్ జగన్ విశాఖపట్నం నుంచి రహదారి మార్గంలో రోడ్డు షో నిర్వహిస్తూ వెళ్లాలని నిర్ణయించారు. అయితే ట్రాఫిక్ సమస్యలతో పాటు విశాఖలో మహిళల అంతర్జాతీయ క్రికెట్ జరుగుతుండంతో అనుమతిని నిరాకరించారు. మరొక వైపు వైఎస్ జగన్ నర్సీపట్నం పర్యటనకు ఉత్తరాంధ్ర నుంచి పెద్దసంఖ్యలో పార్టీ కార్యకర్తలు తరలి వచ్చే అవకాశముండటంతో ఎక్కడికక్కడ పోలీసులు అడ్డుకునే ప్రయత్నం చేస్తారని భావించి ప్రత్యామ్నాయ మార్గాలను వైసీపీ క్యాడర్ ఎంచుకుందని నేతలు చెబుతున్నారు. మొత్తం మీద నేడు నర్సీపట్నంలో వైఎస్ జగన్ పర్యటన ఆద్యంతం ఉద్రిక్తంగా.. ఆసక్తికరంగా సాగనుంది.