వైఎస్సార్ అవార్డుల పంపిణీ

ఆంధ్రప్రదేశ్ రాష్ట్ర అవతరణ దినోత్సవం సందర్భంగా వివిధ రంగాల్లో సేవలందించిన ప్రముఖలకు అవార్డులు అందించారు. ఏడు రంగాల్లో విశిష్ట సేవలందించిన 27 మందికి ఈ అవార్డులను ప్రదానం చేశారు. 23 లైఫ్ టైం అఛీవ్ మెంట్ అవార్డ్స్, నాలుగు వైఎస్సార్ అఛీవ్ మెంట్ అవార్డులను ప్రదానం చేశారు. ఈ సమావేశానికి గవర్నర్ అబ్దుల్ నజీర్ హాజరయ్యారు. ఈ సందర్భంగా ఆయన మాట్లాడుతూ వైఎస్సార్ అవార్డుల ప్రదానోత్సవంలో పాల్గొనడం ఆనందంగా ఉందన్నారు. దేశంలోనే మొదటి సారిగా రైతు భరోసా కేంద్రాలను ఏర్పాటును ప్రభుత్వం చేసిందన్నారు. నవరత్నాల ద్వారా బడుగు, బలహీన వర్గాల వారికి ప్రభుత్వం సాయం అందిస్తున్నారని తెలిపారు. ఐదు డిప్యూటీ సీఎం పదవులు ఎస్సీ, ఎస్టీ, బీసీ, మైనారిటీలకు ఇచ్చారన్నారు.