Ys Jagan : 76 ఏళ్ల ముసలాయన నన్ను భూస్థాపితం చేస్తాడట

డెబ్భయి ఆరేళ్ల ముసలాయన తనను భూస్థాపితం చేస్తానని చెబుతున్నాడని వైసీపీ అధినేత వైఎస్ జగన్ అన్నారు.మీడియా సమావేశంలో మాట్లాడుతూ ప్రజాసమస్యలను పరిష్కరించాలని కోరుతూ జనంలోకి వెళ్లడం తప్పా అని జగన్ ప్రశ్నించారు. రాష్ట్రంలో రెడ్ బుక్ రాజ్యాంగం నడుస్తుందనిచెప్పారు. పొదిలిలో నలభై వేల మంది ప్రజలు వస్తే.. నలభై మందితో అల్లర్లు చేయడానికి టీడీపీ ప్రయత్నించిందన్నారు. పల్నాడులోనూ ఆంక్షలు విధించినా జనాన్ని ఆపలేకపోయారన్నారు. డైవర్షన్ రాజకీయాలు నడుస్తున్నాయని అన్నారు. లిక్కర్ స్కామ్ కేసులో చెవిరెడ్డి భాస్కర్ రెడ్డి పేరు సంవత్సరం నుంచి వినిపించిందా? అని జగన్ ప్రశ్నించారు. ఇచ్చిన హామీలను అమలు చేయలేక, ప్రజల్లో అసంతృప్తి పెరిగిందని భావించి ఇలాంటి చర్యలకు దిగుతున్నారని అన్నారు.