Ys Jagan : మా కుటుంబంలో విభేదాలున్నాయ్.. జగన్ సంచలన కామెంట్స్

తాము పథ్నాలుగు లక్షల కోట్లు అప్పులు చేశామని సభను తప్పుదోవపట్టించే విధంగా మాట్లాడటం సబబా? అని చంద్రబాబును వైఎస్ జగన్ ప్రశ్నించారు. చంద్రబాబు అబద్ధాలు మీద అబద్ధాలు చెబుతూ ప్రజలను కూడా తప్పుదోవపట్టించే విధంగా వ్యవహరిస్తున్నారన్నారు. అభివృద్ధి, సంక్షేమం ఏవీ చేయకుండా తమ ప్రభుత్వంపై బురద జల్లే కార్యక్రమాన్ని చేపట్టిందన్న వైఎస్ జగన్ ప్రజలు ఎవరూ చంద్రబాబు మాటలను నమ్మేందుకు సిద్ధంగా లేరని అన్నారు. బాబు హామీలను అమలుపర్చకుండా ఆర్గనైజ్డ్ క్రైమ్ చేస్తున్నారని మండిపడ్డారు. అబద్ధాలకు రెక్కలు కట్టి తప్పుడు ప్రచారం చేయడమే చంద్రబాబు ధ్యేయంగా పెట్టుకున్నారని వైఎస్ జగన్ అన్నారు. తన కుటుంబంలో విభేధాలున్నాయని, తల్లీ చెల్లి అంటూ చంద్రబాబు క్రూరమైన రాజకీయాలు చేస్తున్నారన్నారు. ఇదే చంద్రబాబు నాయుడు తన చెల్లెలు వైఎస్ షర్మిల మీద తప్పుడు రాతలు రాయించింది నిజం కాదా? అని జగన్ ప్రశ్నించారు.