తిరుమలలో భక్తుల రద్దీ.. నేడు దర్శన టికెట్లు, గదుల కోటా విడుదల

తిరుమలలో భక్తుల రద్దీ కొనసాగుతోంది. దీంతో సోమవారం స్వామివారిని దర్శించుకునేందుకు వచ్చిన భక్తులు 9 కంపార్టుమెంట్లలో వేచి ఉన్నారు. పెద్ద ఎత్తున భక్తులు ఆలయానికి వచ్చిన నేపథ్యంలో స్వామి సర్వదర్శనానికి టోకెన్లు లేని భక్తులకు 12 గంటల సమయం పడుతుందని ఆలయ అధికారులు తెలిపారు. ఆదివారం శ్రీవారిని 87,407 మంది భక్తులు దర్శించుకున్నారు. 31,713 మంది భక్తులు నిన్న శ్రీవారికి తలనీలాలు సమర్పించారు. తిరుమలతో ఆదివారం శ్రీవారి హుండీకి ఆదాయం రూ.4.47 కోట్లు వచ్చిందని టీటీడీ అధికారులు వెల్లడించారు.