Tirumala Laddu: తిరుమలలో లడ్డూ ఎలా తయారవుతుందో తెలుసా?
ప్రస్తుతం తిరుమల లడ్డూ వివాదం నడుస్తున్న సమయంలో తిరుమలలో లడ్డూ తయారీ ఎలా చేస్తారన్న దానిపై అనేకమందికి అనేక సందేహాలున్నాయి.
ప్రస్తుతం తిరుమల లడ్డూ వివాదం నడుస్తున్న సమయంలో తిరుమలలో లడ్డూ తయారీ ఎలా చేస్తారన్న దానిపై అనేకమందికి అనేక సందేహాలున్నాయి.శ్రీవారి ఆలయంలో లడ్డుల తయారీకి వాడవలసిన సరుకుల మోతాదును ‘దిట్టం’ అంటారు. దీనిని తొలిసారిగా టీటీడీ పాలక మండలి 1950 లో తయారీని ప్రారంభించింది. పెరుగుతున్న భక్తులకు అనుగుణంగా దిట్టాన్ని పెంచుతూ వచ్చారు. ప్రస్తుతం 2001లో సవరించిన దిట్టాన్ని అనుసరిస్తున్నారు. దీనినే పడితరం దిట్టం స్కేలు అని పిలుస్తున్నారు. పడి అంటే 51 వస్తువులు. పడికి కావలసిన వస్తువుల దిట్టం ఉంటుంది. ఆ ప్రకారం ఉగ్రాణం (శ్రీవారి స్టోర్) నుంచి వస్తువులు ఇస్తారు. దీని ప్రకారం 5100 లడ్డులు మాత్రమేతయారుచేయడానికి ఇన్నేసి కిలోల ప్రకారం దిట్టాన్ని అనుసరిస్తారు. శ్రీవారి లడ్డు తయారిలో వాడే దిట్టంలో వాడే సరుకులు దీని ప్రకారం 5100 లడ్డుల తయారీకి 803 కేజీల సరుకులు వినియోగిస్తారు.
