Tirumala : తిరుమలలో భక్తుల రద్దీ మామూలుగా లేదు.. బ్రహ్మోత్సవాలు కావడంతో?

ఈ తొమ్మిది రోజుల పాటు తిరుమలకు భక్తుల తాకిడి ఎక్కువగానే ఉంటుంది. భక్తులతో పాటు పోలీసు సిబ్బంది, అధికారులతో పాటు కూడా ఉండటంతో ఎక్కువగా వీధుల్లో కనిపిస్తున్నారు. ఈరోజు తిరుమలలోని వైకుంఠం క్యూ కాంప్లెక్స్‌లోని అన్ని కంపార్ట్‌మెంట్లు భక్తులతో నిండిపోయాయి. ఈరోజు ఉదయం ఏడు గంటలకు ఉచిత దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. అయితే కంపార్ట్‌మెంట్లన్నీ నిండిపోయి బయట వరకూ ఏటీజీహెచ్ వరకూ లైన్ ఉండటంతో భక్తులు ఇబ్బంది పడకుండా అన్ని చర్యలు తీసుకుంటున్నారు. క్యూ లైన్ లో ఉన్న వారికి శ్రీవారి సేవకులు అన్న ప్రసాదాలను, మంచినీటిని పంపిణీ చేస్తున్నారు. నిన్న తిరుమల శ్రీవారిని 54,866 మంది భక్తులు దర్శించుకుంటున్నారు. వారిలో 28,657 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 2.60 కోట్ల రూపాయల ఆదాయం వచ్చిందని అధికారులు వెల్లడించారు.