Tiruamala : తిరుమలలో నేడు భక్తుల రద్దీ ఎలా ఉందో తెలిస్తే?

దసరా ఉత్సవ ఏర్పాట్లను సమర్ధవంతంగా పర్యవేక్షించేందుకు ముఖ్యమంత్రి చంద్రబాబు నాయుడు ప్రస్తుతం ఉన్న టీటీడీ ఈవో శ్యామలరావు స్థానంలో గతంలో ఈవోగా పనిచేసి సమర్థంగా పనిచేసి ప్రశంసలు అందుకున్న అనిల్ కుమార్ సింఘాల్ ను నియమించారు. ఈరోజు పదవీ బాధ్యతలను స్వీకరించిన అనంతరం అనిల్ కుమార్ సింఘాల్ ప్రత్యేకంగా స్వామి వారి బ్రహ్మోత్సవాల ఏర్పాట్లపైనే ఎక్కువ దృష్టి పెట్టనున్నారని తెలిసింది. ఇందుకోసం ఇప్పటికే అన్ని రకాలుగా తిరుమల తిరుపతి దేవస్థానం అధికారులు యాక్షన్ ప్లాన్ ను సిద్ధం చేశారు.

ఈరోజు తిరుమలలోని వైకుంఠం క్యూ కాంప్లెక్స్ లోని పందొమ్మిది కంపార్ట్ మెంట్లలో భక్తులు శ్రీవారి దర్శనం కోసం వేచి చూస్తున్నారు.సర్వ దర్శనం క్యూ లైన్ లోకి టోకెన్లు లేకుండా ఉదయం ప్రవేశించిన భక్తులకు శ్రీవారి దర్శనం పది నుంచి పన్నెండు గంటల సమయం పడుతుందని తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు ఐదు గంటలకు పైగానే సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుంది. నిన్న తిరుమల శ్రీవారిని 70,828 మంది భక్తులు దర్శించుకున్నారు. వీరిలో : 26,296 మంది భక్తులు తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.07 కోట్ల రూపాయల ఆదాయం వచ్చిందని అధికారులు వెల్లడించారు.