జూనియర్ ఎన్టీఆర్ గురించి ఆ మాటలెందుకు అచ్చెన్న

టీడీపీ అధినేత చంద్రబాబు నాయుడు అరెస్టు అయి.. చాలా రోజులు అవుతూ ఉంది. అయితే సినీ నటుడు జూనియర్ ఎన్టీఆర్ ఇంత వరకు స్పందించలేదు. తాజాగా ఏపీ టీడీపీ అధ్యక్షుడు అచ్చెన్నాయుడికి కూడా మీడియా సమావేశంలో ఇదే ప్రశ్న ఎదురయింది. ఈ ప్రశ్నకు అచ్చెన్నాయుడు సమాధానమిస్తూ... జూనియర్ ఎన్టీఆర్ ఎందుకు స్పందించలేదో ఆయననే అడగాలని చెప్పారు. పోయి ఆయననే అడిగితే సమాధానం చెపుతాడని, తనను అడిగితే తాను ఏం చెపుతానని అన్నారు. స్పందించాలని తాము ఎవరినీ అడగమని అన్నారు. ఇక రాబోయే రోజుల్లో జనసేనతో కలిసి కార్యాచరణను రూపొందిస్తామని తెలిపారు. చంద్రబాబు అరెస్ట్ ను జనసేన నేతలు, కార్యకర్తలు ఖండిస్తున్నారని చెప్పారు.