కన్నెర్ర చేస్తే బయటకు కూడా రాలేరు.. వైసీపీకి వార్నింగ్

నేను కన్నెర్ర చేస్తే బయటకు కూడా రాలేరని వైసీపీ నేతలకు టీడీపీ అధినేత చంద్రబాబు వార్నింగ్ ఇచ్చారు. మదనపల్లెలో జరిగిన మినీ మహానాడులో చంద్రబాబు ప్రసంగించారు. పోలీసుల అండతో రెచ్చిపోతే ఫలితం అనుభవిస్తారన్నారు. అమ్మఒడి ఒక బూటకమని, ఇంగ్లీష్ మీడియం నాటకం అని చంద్రబాబు అన్నారు. ఎనిమిదివేల స్కూళ్లను మూసివేశారన్నారు. కేంద్ర ప్రభుత్వం ఇచ్చే నిధులకు తలొగ్గి స్కూళ్లను మూసివేస్తున్నారన్నారు. జగన్ ఎక్కడ చదువుకున్నాడో తెలియదన్నారు. విద్యారంగాన్ని ఈ ప్రభుత్వం సర్వనాశనం చేసిందని అన్నారు. స్కూళ్లను మూసివేయడానికి వీలులేకుండా మినీ మహానాడులో తీర్మానం చేద్దామన్నారు. విద్యార్థుల ఆత్మహత్యలకు చేతకాని పాలనే నిదర్శనమని చెప్పారు. ఏపీలో మూడేళ్లుగా అరాచక పాలన సాగుతుందన్నారు.