Chandrababu : జగన్ ను గెలిపిస్తే అరాచకమే.. మరోసారి గెలిస్తే ఏమీ మిగల్చడు

రానున్న ఎన్నికల్లో వైసీపీని ఓడించాలని చంద్రబాబు పిలుపునిచ్చారు. అంబేద్కర్ కు భారతరత్న రావడానికి ఎన్టీఆర్ చేసిన కృషిని ఈ సందర్భంగా ఆయన ప్రస్తావించారు. జగన్ వస్తే మళ్లీ గంజాయి వస్తుంది తప్ప, జాబులు రావన్నారు. రుషికొండను బోడికొండగా మార్చి ఐదు వందల కోట్ల రూపాయలతో ప్యాలెస్ ను నిర్మించుకున్నాడని చంద్రబాబు ఆరోపించారు. పేదలను మాత్రం జగన్ పట్టించుకోలేదన్నారు. టీడీపీ అధికారంలోకి వస్తే జగన్ ఇచ్చిన ఇంటి స్థలాలను రద్దు చేయబోమని ఆయన హామీ ఇచ్చారు. ఈ సారి కూటమి అభ్యర్థులను గెలిపించాలని ఆయన కోరారు. రానున్న ఎన్నికల్లో జగన్ కు సరైన రీతిలో బుద్ధి చెప్పాలని ఆయన కోరారు. అనకాపల్లి వైసీపీ అభ్యర్థి ఢిల్లీ వీధులు చూడాలంటే పన్నెండేళ్లు పడుతుందని, అదే సీఎం రమేష్ అయితే ఢిల్లీలో ఆయనకు పరిచయాలున్నాయని, ఆయనకు ఓటేయాలనికోరారు.