ఎమ్మెల్సీ ఎన్నికలపై చంద్రబాబు రివ్యూ

ఈ స్థాయిలో ప్రజాస్వామ్యం అపహాస్యం అవుతున్నా అధికారులు పట్టించుకోకపోవడం శోచనీయమని చంద్రబాబు అన్నారు. ఇతర రాష్ట్రాల నుంచి బస్సుల్లో దించి అధికార పార్టీ దొంగ ఓట్లు పోలింగ్ చేయిస్తుందని ఆయన ఆరోపించారు. ఇంతకంటే దారుణం మరొకటి ఉండదన్నారు. రాజకీయ పక్షాల ఫిర్యాదులను అధికారులు పట్టించుకోవడం లేదన్నారు. బోగస్ ఓట్లపై అభ్యంతరం వ్యక్తం చేసిన టీడీపీ నేతలను ఎలా అరెస్ట్ చేస్తారని ఆయన ప్రశ్నించారు. సమావేశంలో పాల్గొన్న టీడీడీ ముఖ్యనేతలు యనమల రామకృష్ణుడు, నక్కా ఆనంద్ బాబు, కొల్లు రవీంద్ర, బోండా ఉమ, టీడీ జనార్ధన్ తదితరులు పాల్గొన్నారు.