ఈ కుంభకోణంపై జగన్ అరెస్ట్ చేసి విచారణ జరపాలి

టి.డి.ఆర్ బాండ్ల కుంభకోణంలో జగన్ సూత్రధారి అని టీడీపీ నేత బుద్దా వెంకన్న తెలిపారు. మాజీ మంత్రి కారుమూరి నాగేశ్వరరావు సారధ్యంలో కోట్లు దోపిడీ జరిగిందని మీడియా సమావేశంలో తెలిపారు. తిరుపతిలో భూమన కరుణాకరరెడ్డి సారధ్యంలో మరో దోపిడీకి తెరతీశారన్నారు. మురికి వాడలో రోడ్లు వేసే పేరుతో 36 కోట్లు పేరుతో 700 కోట్లు దోచుకున్నారని బుద్దా వెంకన్న ఆరోపించారు. రాష్ట్రంలో అనేక ప్రాంతాలలో ఈ దోపిడీ జరిగిందనేది వాస్తవమని, జగన్ ఆదేశాలు లేకుండా ఎమ్మెల్యేలు ఇంత దోపిడీ చేయలేరని అన్నారు. కారుమూరి నాగేశ్వరరావు, కరుణాకరరెడ్డి, కొట్టు సత్యనారాయణ, మూర్తిలను విచారిస్తే వాస్తవాలు బయటకు వస్తాయని తెలిపారు.