సీనియర్లు పని తగ్గించేసుకున్నారు.. చంద్రబాబు సీరియస్

గుంటూరు జిల్లాలోనే సీఐడీ కార్యాలయం, కోర్టు ఉన్నాయని, టీడీపీ నేతలకు ఏ సమస్య వచ్చినా వెంటనే స్పందించాలని చెప్పినా ఎందుకు యాక్ట్ కావడం లేదని ఆయన నిలదీశారు. సీనియర్లు కేవలం పని తగ్గించుకుని ప్రచారం చేసుకుంటున్నారని ఆయన సెటైర్ వేశారు. తనకు అంతా తెలుస్తుందని, పనిచేసే వారికే వచ్చే ఎన్నికల్లో టిక్కెట్లు ఉంటాయని చంద్రబాబు హెచ్చరించారు. నిత్యం ప్రజల్లో ఉంటూ వారి సమస్యలపై పోరాడుతుంటేనే గెలుపు సాధ్యమవుతుందని చెప్పారు. పని చేయకుంటే వెనుకపడి పోతారు ఇక మీ ఇష్టం అందుకు మీకే వదిలేస్తున్నా అని చెప్పారు. గుంటూరు జిల్లాలో అందరూ పెద్దనాయకులేనని అయినా పార్టీ బలోపేతం చేయడంలో మాత్రం కలసి పనిచేయడం లేదని అసంతృప్తి వ్యక్తం చేశారు.