YSRCP : తానేటి వనిత షాకింగ్ డెసిషన్... ఒక్కసారి కనిపించి పోవమ్మా...?

తానేటి వనిత రాజకీయ నేపథ్యం కలిగిన కుటుంబం నుంచి వచ్చారు. విద్యావంతురాలు. ఎమ్మెస్సీ, ఎంఈడీ చేశారు. ఆయన తండ్రి జొన్నకూటి బాబాజీరావు గోపాలపురం ఎమ్మెల్యేగా పనిచేశారు. తానేటి వనిత కూడా తెలుగుదేశం పార్టీ నుంచి వచ్చిన నేత. ఆమె 2009లో గోపాలపురం నియోజకవర్గం నుంచి టీడీపీ నుంచి పోటీ చేసి ఎమ్మెల్యేగా గెలిచి తొలిసారి అసెంబ్లీలోకి అడుగుపెట్టారు. 2012లో టీడీపీకి, ఎమ్మెల్యే పదవికి రాజీనామా చేసిన వనిత వైసీపీలో చేరారు. ఆమె జగన్ వెంటే నడిచారు. జగన్ 2104లో తానేటి వనిత పార్టీ రాష్ట్ర కార్యదర్శిగా నియమించారు. అయితే 2014లో కొవ్వూరు నుంచి వైసీపీ అభ్యర్థిగా పోటీ చేసి ఓటమి పాలయ్యారు. 2019 ఎన్నికల్లో తిరిగి కొవ్వూరు నుంచే విజయం సాధించి జగన్ మంత్రి వర్గంలో పూర్తిస్థాయి మంత్రిగా కొనసాగారు.

తొలి మంత్రివర్గంలో మహిళ శిశు సంక్షేమ శాఖను, రెండో దఫా విస్తరణలో వనితకు కీలకమైన హోంశాఖను నిర్వహించారు. అలాంటి తానేటి వనిత ఇప్పుడు అటు కొవ్వూరుకు, ఇటు గోపాలపురం నియోజకవర్గానికి దూరంగా ఉంటున్నారని తెలిసింది. తానేటి వనిత గత పదహారు నెలల నుంచి పార్టీ కార్యక్రమాల్లో పెద్దగా కనిపించడం మానేశారు. తిరిగి కొవ్వూరు నుంచి పోటీ చేయడానికి తానేటి వనిత ప్రయత్నిస్తున్నారని తెలిసింది. తన నివాసంలో ఎక్కువగా ఆమె కొవ్వూరు నియోజకవర్గం పార్టీ నేతలు, కార్యకర్తలనే కలుస్తున్నారు. జగన్ నుంచి ఆదేశాలు వచ్చిన వెంటనే పూర్తి స్థాయలో కొవ్వూరు నియోజకవర్గంపై ఫోకస్ పెడతారని భావించినా, జగన్ హయాంలో ఐదేళ్ల పాటు మంత్రిగా ఉన్న తానేటి వనిత కనిపించకుండా పోవడం పై పార్టీలోనే చర్చ జరుగుతుంది.