మంత్రుల కమిటీతో స్టీరింగ్ కమిటీ భేటీ

పీఆర్సీ సాధన సమితి స్టీరింగ్ కమిటీ సమావేశం ముగిసింది. గతంలో పెట్టిన మూడు ప్రతిపాదనలను మంత్రుల కమిటీ ముందు ఉంచాలని నిర్ణయించింది. ఇతర ఆర్థికపరమైన ప్రతిపాదనలను పెడితే మరోసారి స్టీరింగ్ కమిటీ చర్చించాలని నిర్ణయించింది. గతంలో ప్రభుత్వానికి చెప్పినట్లు కొత్త పీఆర్సీ జీవో ను రద్దు చేయాలని, అశుతోష్ మిశ్రా కమిటీ నివేదికను బయటపెట్టాలని, ఈ నెల పాత జీతాలను చెల్లించాలని ప్రభుత్వం ముందు ప్రతిపాదనలను ఉంచింది. పీఆర్సీ సాధన సమితి సమావేశం ముగిసిన తర్వాత సచివాలయంలో కొత్త పీఆర్సీకి వ్యతిరేకంగా రిలే నిరాహార దీక్షలు చేస్తున్న ఉద్యోగులకు నేతలు సంఘీభావం తెలిపారు.