Chandrababu : చంద్రబాబు స్కిల్ డెవలెప్ మెంట్ కేసు క్లోజ్

అనంతరం ఆరోగ్యం బాగాలేదన్న కారణంగా బెయిల్ పై బయటకు వచ్చారు. తర్వాత జరిగిన ఎన్నికల్లో చంద్రబాబు నాయుడు ముఖ్యమంత్రి అయ్యారు. కూటమి ప్రభుత్వం అధికారంలోకి రాగానే స్కిల్ డెవలెప్ మెంట్ కేసు విచారణలో సీఐడీ తుది నివేదికను సమర్పించింది. సీఐడీ తుది నివేదికలో స్కిల్ డెవలెప్ మెంట్ కేసులో అవకతవకలు జరిగాయన్న ఆధారాలు లభించలేదని సీఐడీ అధికారులు తేల్చారు. దీంతో ఏసీబీ న్యాయస్థానం ఈ కేసును కొట్టివేస్తూ తీర్పు చెప్పింది. దీంతో ఈ కేసులో నిందితులందరికీ ఊరట దక్కినట్లయింది.

నిధుల దుర్వినియోగం అయినట్లు ఎటువంటి ఆధారాలు లభించలేదని తేల్చడంతో ఏసీబీ న్యాయస్థానం ఈ కేసును విచారించేందుకు తిరస్కరించింది. చంద్రబాబుతో పాటు మరో 37 మంది పై నమోదయిన విచారణను ఏసీబీ న్యాయస్థానం ముగించింది. మొత్తం 371 కోట్ల రూపాయలు దుర్వినియోగం అయినట్లు గత ప్రభుత్వం కేసు నమోదు చేసినప్పటికీ సీఐడీ మాత్రం మిస్టేక్ ఆఫ్ ఫ్యాక్స్ అంటూ న్యాయస్థానం కొట్టివేయడంతో చంద్రబాబుకు ఊరట లభించినట్లయింది. మరొకవైపు తుదినివేదికపై తమ వాదనలను వినాలంటూ స్కిల్ డెవలెప్ మెంట్ కార్పొరేషన్ మాజీ ఛైర్మన్ అజయ్ రెడ్డి దాఖలు చేసిన పిటీషన్ ను కోర్టు తోసిపుచ్చింది.