YSRCP : పాపం.. సత్తిబాబును అలా ఆటాడేసుకుంటున్నారేమిటో?

తాజాగా విశాఖ స్టీల్ ప్లాంట్ ప్రయివేటీకరణపై విజయవాడలో జరిగిన రౌండ్ టేబుల్ కాన్ఫరెన్స్ లోనూ ఆయన మరొకసారి సొంత పార్టీ క్యాడర్ నుంచి విమర్శలను ఎదుర్కొంటున్నారు. శాసనమండలిలో వైసీపీ పక్ష నేతగా ఉన్న బొత్స సత్యనారాయణ పై వైసీపీ అధినేత జగన్ సోషల్ మీడియాలో పెద్దయెత్తున పోస్టింగ్ లు కనపడుతున్నాయి. ఈ సమావేశంలో వేదికపైకి వచ్చిన వైఎస్ షర్మిలను సాదరంగా ఆహ్వానించి తన పక్కన కూర్చోబెట్టుకోవడమే కాకుండా ఆమెతో నవ్వుతూ మాట్లాడటం వైసీపీ కార్యకర్తల్లో బొత్స సత్యనారాయణపై ఆగ్రహం కనిపిస్తుంది. బొత్సకు వ్యతిరేరకంగా వైసీపీ సోషల్ మీడియాలో పెద్దయెత్తున విమర్శలతో కూడిన కామెంట్స్ పెడుతున్నారు.

అయితే బొత్స సత్యనారాయణ తన పెద్దరికం కాపాడుకోవడానికే వేదికపైకి వచ్చిన షర్మిలను తన పక్కన కూర్చోవాలని సూచించారని చెబుతున్నారు. బొత్స సత్యనారాయణ సీనియర్ నేత. ఉమ్మడి రాష్ట్రంలో పీసీసీ చీఫ్ గా కూడా ఆయన వ్యవహరించారు. వైఎస్ కాలంలోనూ తర్వాత మంత్రిగా పనిచేశారు. ఆయనకు రెండు రాష్ట్రాల్లోని రాజకీయ నేతలతో సత్సంబంధాలున్నాయి. మర్యాదపూర్వకంగానే వేదికపైన తన వద్దకు రమ్మని పిలిచారని అంటున్నారు. అందరినీ బొత్స సత్యనారాయణ శత్రువులుగా చూడరు. అయితే ప్రస్తుతం వైఎస్ షర్మిల, వైఎస్ జగన్ ల మధ్య వైరం కొనసాగుతున్న నేపథ్యంలో ఈ ఘటన జరగడంతో బొత్స సత్యనారాయణ పార్టీ నుంచి విమర్శలు ఎదుర్కొంటున్నాడు. పెద్దాయన అలా ఎందుకు చేశారో తెలియకుండా నెగిటివ్ కామెంట్స్ చేస్తే ఎలా అని మరికొందరు ప్రశ్నిస్తున్నారు. మొత్తం మీద బొత్స సత్యనారాయణ మరోసారి వైసీపీలో వివాదానికి కేంద్ర బిందువుగా మారారు.