జగన్ అమరావతి వ్యాఖ్యలకు సజ్జల ఇలా కవర్ చేశారుగా

యాభై వేల ఎకరాలను అభివృద్ధి చేయాలంటే లక్ష కోట్ల రూపాయలు అవసరమవుతుందని సజ్జల రామకృష్ణారెడ్డి తెలిపారు. లక్ష కోట్ల రూపాయలు అప్పు చేసి, ఏడాదికి ఎనిమిది వేల కోట్ల రూపాయలు వడ్డీ కట్టాలని, ఎక్కడి నుంచి తెస్తారని సజ్జల ప్రశ్నించారు. చంద్రబాబు తన ఇంటికోసం గజం 7,500 రూపాయలకు స్థలాన్ని కొన్నారని, అంటే ఎకరం నాలుగు కోట్ల రూపాయలు మాత్రమే ఉందని చంద్రబాబు లెక్కలే చెబుతున్నాయని సజ్జల రామకృష్ణారెడ్డి తెలిపారు. ఇప్పుడు రాష్ట్రం ఉన్న పరిస్థితుల్లో అమరావతి నిర్మాణం సాధ్యం కాదనే జగన్ అన్నారని, అంతే తప్ప జగన్ అమరావతికి వ్యతిరేకం కాదని సజ్జల రామకృష్ణారెడ్డి చెప్పారు. రాయలసీమ ఎత్తిపోతల పథకాన్ని ఎందుకు ఆపారని కూడా సజ్జల రామకృష్ణారెడ్డి ప్రశ్నించారు.