Tirumala : తిరుమలకు పోటెత్తుతున్న భక్తులు.. దర్శనానికి ఎంత సమయం పడుతుందంటే?

మరోవైపు సిఫార్సు లేఖలు కూడా అనుమతిస్తుండటంతో భక్తులు ఎక్కువ సంఖ్యలో తరలి వస్తున్నారు. వసతి గృహాలు దొరకడం కూడా కష్టంగా మారింది. ఒకరోజుకు మించి వసతి గృహాన్ని కేటాయించడం లేదు. ఇక లడ్డూ ప్రసాదాల కౌంటర్ల వద్ద, అన్న ప్రసాదం కేంద్రం వద్ద అధిక సంఖ్యలో భక్తులు వస్తుండటంతో అందుకు తగినట్లుగా తిరుమల తిరుపతి దేవస్థానం అధికారులు ఏర్పాట్లు చేస్తున్నారు. తలనీలాలను సమర్పించే ప్రాంతంలో కూడా రద్దీ ఎక్కువగా కనిపిస్తుంది. ఎక్కడ చూసినా తిరుమల వీధులన్నీ భక్తులతో కిటకిటలాడిపోతున్నాయి.

ఈరోజు తిరుమలలోని వైకుంఠం క్యూ కాంప్లెక్స్ లోని ముప్ఫయి ఒక్క కంపార్ట్ మెంట్ లో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడున్నర గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పదహారు గంటల సమయం పడుతుంది. టైమ్ స్లాట్ దర్శనం భక్తులకు ఐదు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుంది. నిన్న తిరుమల శ్రీవారిని 78,631 మంది భక్తులు దర్శించుకున్నారు. వీరిలో 31,247 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.29 కోట్ల రూపాయల ఆదాయం వచ్చిందని అధికారులు తెలిపారు.