Breaking : ఏపీలో ఘోర రోడ్డు ప్రమాదం.. బస్సు లోయలో పడి పది మందికి పైగా మృతి

అల్లూరి జిల్లాలో ఘోర రోడ్డు ప్రమాదం జరిగింది. ఈ ప్రమాదంలో దాదాపు ఎనిమిది మంది మరణించారు. ఒక ప్రయివేటు బస్సు అదుపు తప్పి లోయలోపడింది. అల్లూరు సీతారామరాజు జిల్ల చింతూరు - మారేడుమిల్లి ఘాటు రోడ్డులో ఈ ప్రమాదం జరిగింది. రాజుగారి మెట్ట వద్ద ఈ ఘటన చోటు చేసుకుంది. ప్రమాదం సమయంలో బస్సులో మొత్తం 35 మంది ప్రయాణికులున్నారు. ఇద్దరు డ్రైవర్లున్నారు. భద్రాచలం నుంచి అన్నవరం వెళుతుండగా ఈ ప్రమాదం జరిగింది. సమాచారం అందుకున్న వెంటనే చింతూరు పోలీసులు సంఘటన స్థలికి చేరుకుని సహాయక చర్యలు చేపట్టారు. ఈ ప్రమాదంలో పది నుంచి పదిహేను మంది మరణించినట్లు సమాచారం అందుతుంది.