తిరుమలలో అవినీతిపై రమణదీక్షితుల ట్వీట్

తిరుమలలో బ్రాహ్మణ వ్యతిరేక శక్తులున్నాయని, ఆలయ విధానాలతో పాటు అర్చక వ్యవస్థను నాశనం చేసేలోగా చర్యలు తీసుకోవాలని రమణ దీక్షితులు ట్వీట్ చేశారు. అయితే కొద్దిసేపటి తర్వాత రమణదీక్షితులు ఆ ట్వీట్ ను డిలీట్ చేశారు. అప్పటికే ఆయన ట్వీట్ సోషల్ మీడియాలో వైరల్ అయింది. కొందరు స్క్రీన్ షాట్ లు తీసి సోషల్ మీడియాలో పోస్టు చేశారు. అయితే రమణ దీక్షితులు శ్రీవారి ఆలయంలో వివిధ కులాలకు చెందిన 54 కుటుంబాలు వంశపారపర్యంగా సేవలు చేస్తున్నాయని, 30/87 యాక్ట్ తో వీరిని తొలగించారన్నారు. ప్రస్తుతం తిరుమలలో అవినీతి రాజ్యమేలుతుందని ఆయన మళ్లీ ట్వీట్ చేశారు.